أوقات كتير بيكون فيه مساحات في البيت غير مستغلة تماما، واللي ممكن نستغلها بشكل مبتكر وبسيط علشان تضيف للبيت تفاصيل جديدة ودافية وتدّيكي الإحساس بإنك غيّرتي في ديكور البيت..
النهارده هنقول لك على أفكار بسيطة ممكن تعمليها لاستغلال المساحات دي بتكلفة قليلة..
كورنر للاسترخاء
اللي هتحتاجي له:
كرسي مريح
أباجورة طويلة
مجموعة لوحات وبراويز للحائط
ترابيزة صغيرة
نصائح للحصول على أفضل شكل:
- اللوحات والبراويز اللي هتختاريها مش شرط تبقى لايقة على بعضها أوي، تقدري تلعبي بفكرة تداخل الألوان والأحجام، المهم إن المنظر النهائي يكون مريح للعين.
- حدّدي مكان الكرسي والترابيزة والأباجورة في الأول وراعي إن المسافات بينهم تكون متساوية، وبعد كده ابدئي علّقي البراويز بالشكل اللي تحبّيه.
اللي هتحتاجي له:
ترابيزة صغيرة
أباجورة طويلة
2 كرسي
مجموعة ألعاب
نصائح للحصول على أفضل شكل:
- اختاري ألوان ساطعة ومبهجة علشان تناسب الألعاب، وتقدري تجيبي أي ترابيزة قديمة عندك وتدهنيها بلون جديد ومميز.
- ممكن تعلقي لوحة كبيرة فوق الترابيزة، وحاولي تختاري ترابيزة يكون لها أرجل عالية علشان تديكي إحساس بالاتساع.
- حطّي لوحة اللعب سواء كانت شطرنج أو طاولة على الترابيزة كديكور وعلشان كمان تحفّز أفراد الأسرة على استخدامها من وقت للتاني، وممكن تحطّي باقي الألعاب على جنب.
- مش شرط إن الكراسي اللي هتستخدميها تكون شكل بعضها، كورنر اللعب هيكون مكان مناسب جدا إنك تدخّلي أشكال مختلفة مع بعضها.
حديقة داخلية
اللي هتحتاجي له:
مجموعة مختلفة من النباتات
ترابيزة عرضها مش كبير
ترابيزة ارتفاعها منخفض
نصائح للحصول على أفضل شكل:
- يفضّل إن الكورنر ده يبقى في مكان بتوصل له الشمس بشكل جيد، علشان تحافظي على النباتات اللي بتزرعيها.
- اختاري مجموعة من النباتات تكون مختلفة في الملمس واللون والارتفاع عن بعضها.
- حطّي النباتات الأطول في الخلف وبعد كده الأقصر.
اللي هتحتاجي له:
مجموعة مختلفة من النباتات
ترابيزة عرضها مش كبير
ترابيزة ارتفاعها منخفض
نصائح للحصول على أفضل شكل:
- يفضّل إن الكورنر ده يبقى في مكان بتوصل له الشمس بشكل جيد، علشان تحافظي على النباتات اللي بتزرعيها.
- اختاري مجموعة من النباتات تكون مختلفة في الملمس واللون والارتفاع عن بعضها.
- حطّي النباتات الأطول في الخلف وبعد كده الأقصر.
كورنر القراءة
اللي هتحتاجي له:
كرسي مريح للقراءة
مصدر للإضاءة
ترابيزة صغيرة
الكتب المفضلة
لوحة صغيرة
نصائح للحصول على أفضل شكل:
- حاولي بقدر الإمكان إن الكورنر ده مايبقاش فيه قطع أثاث كتيرة.
- ممكن تستغني عن الترابيزة وترصّي الكتب على الأرض بشكل عشوائي.
وبكده تبقي استغليتي الزوايا الفاضية عندك بشكل مبتكر هيضيف لبيتك لمسة جمالية..
تعليقات
إرسال تعليق